أُكتـــب بالرصـــــاص

Oct 31, 2006

نصيحتي

نصائحي إليك ساســــــديها
فاسـمعيها .. أولا تسمعيها
رسائلك الي لا ترســــــليها
واحتفظي بها .. اومزقيها
فأنا ..انا لم اعد متيمٌ بهــــواكي
وضئت شموعك من مطفئيها

وسيضيعُ شوقك إلى هبــــاءاً
كما أضعتي شوقاً ونار أشعلتها
وســــــتبقى لك الذكرى أنيناً
تكدر صفو ايامٍ قد جنيتها
ويحوم طيفي حولك طيــــوراً
تـُرسي ذكراكِ عندي.. فأذبحيها
كي لا تحلق في سماءك مرحــاً
تساقط فيك زهوراً قد رغبتيها
فهذه قطوف محبتي في يديك
زرعتها أنا ...وأنت جمعتيها
فكتبتي لفؤادي الشقاء عدوانا
وتسولتِ محبتي ....وليتك صونتيها
واحفظي عليك كرامة .... تخيلي !!!
أصونها انا وانت تبدديها
فتالله ..تالله لإن ضلت إلى يميني رسالة منك
لتحفظن شمالي اسرارك التي ..فضحتيها
واعلمي انك من فؤادي قد رحلتي
فحطمي عاطفتك حطميها
والفظي انفاسك بعيدا عني
وخذي ذكراك ولا تتركيها
واسدلي ستار محبة نحوي
هذه نصيحتي.....فاسمعيها .
ـــــــــــــــــــــــــــــــــــــــــــــــــــــــــ
ملحوظة
الكلام اعلاه ...
ليس له اي صلة بالواقع ، ولا الحاضر ولا الماضي البعيد أو القريب، وليس تجربة او مرحلة ، مجرد حالة .. وماحدش يقعد يأول الموضوع ... إنها فقط ساعة تجلي .! مش أكتر .

Posted by أُكتب بالرصاص :: 11:43 PM :: 31 Comments:

Post / Read Comments

---------------oOo---------------

Oct 24, 2006

عودي

My day without you

القلوب تتخاطب بلغة خاصة
فوق إدراك البشر
رغم وحدتي

رغم وحشتي
أراكِ داخلي ...أراكِ جميلة ... أراكِ مختلفة عن الناس ...أراكِ معي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إضافة
خلاص يا جماعة ، كل واحد يشوف مصلحته ، رجعت، رجعت ، هي بس كانت راحت تشتري ورقة بوستة وخلاص، رجعت


Posted by أُكتب بالرصاص :: 2:10 PM :: 30 Comments:

Post / Read Comments

---------------oOo---------------

Oct 12, 2006

زعيم أونطة انا؟



انا اتهزأت يا رجالة ، خااالاص، مافيش حد هيقدر يفتح بقه ،

وعاملي انا المخ وانت العضلات ، عضلات مين يا عم صلي على النبي،
بقالي ثلاثة اسابيع مش قادر اعمل بوست جديد ولا أعدل على القديم ، علشان بسلامته البلوجسبوت بيقولي ما نقدرش نسمح بنشر بوستاتك ، لسبب انا لغاية دلوقت مش قادر افهمه هو اني احتمال اكون
characteristics of a spam blog
طب ايه هو البتاع ده يا عم ؟ مش عايز يقول ..
بس احتمال يكون له علاقة بالهاكر
وبعدين يطلعي الماسج
This blog has been locked by Blogger's spam-prevention robots. You will not be able to publish your posts, but you will be able to save them as drafts.

درافت..يا فرحتي بيك يا خويا

وابعت له في ايملات ، وهو طناش ،
جوابات ، ميعبرناش
طيب رد عليا
ابدا
ياعم الحاج ، منظري بقى وحش قدام الخلق،
طب قول اي حاجة قول وانا اقول على طول
مافيش
وانا اللي عمال اقول لهم ، اللي عايز حاجة انا في الخدمة، البلوجات دي لعبتي ، وخدمة مجانية
واللي عايز يحط البتنجان في القلاووز

خلاص... انا اتهزأت يا جدعان ،

وكل واحد يخلي باله من لغاليغو

Posted by أُكتب بالرصاص :: 9:58 AM :: 46 Comments:

Post / Read Comments

---------------oOo---------------