أُكتـــب بالرصـــــاص
Feb 27, 2008
يبقى انت اكيد في المغرب
من الجميل أن يأخذ المرء إجازة، ومن الأجمل أن يقضي هذه الإجازة في بلد أخر ، ومنتهى الجمال أن تكون هذه البلد هي المغرب ،أغمضت عيني قبل دخولي لمطار دبي تمهيدا لمعايشة حلم جميل بدأ في المطار ولم ينتهي إلى أن استفقت منه على صوت تليفونات و دقات على الكيببورد و صوت فاكسات ، وعندما فتحت عيني واكتشفت أني في المكتب، عرفت أن الحلم انتهى ، ولم يتبقى منه غير ذكريات وانطباعات
ولان الصورة خير من ألف كلمة ،وبعدما انتشر على النت صور تقول لك "يبقى انت اكيد في مصر" ، مع تجوالي في شوارع المغرب وجدت ما هو أحق بان نطلق عليه يحدث في المغرب فقط ، انشر للتاريخ والجغرافيا بعض اللقطات التي أخذتها والتي لن تشاهدها في أي مكان أخر
only In morocco
حقيقي صاحب الاستوديو دا فنان
أوعى تفكر تعملها في أكبر ميادين مراكش لان تمنها خمسين درهم
ممكن نعملها هنا
مرة و كش
احتار يوسف بن تشفين في تسمية هذه المنطقة الجميلة التي أرادها أن تكون عاصمة لدولته ، وسمع حوار بين مزارع وابنه ، يسأله ..هل سقيت الحقل !؟ فرد عليه الابن ... نعم..مرة وكش ، أي سقيته مرة ولكنه نشف ، أعجب يوسف بموسيقى الكلمة ، مرة وكش... فاختار هذا الاسم لهذه المدينة مراكوش
Marakesh
مش مهم نجيبها إزاي..المهم طلعت هنا إزاي
أصحاب المطاعم دي: إحنا لسه هانقعد نطبع قائمة طعام.. القايمة عندك أهي
مبارة لفريق الكوكب المراكشي ، واللاين مان....ومان
جربت تتابع مباراة نهائي لمصر في قهوة وسط مراكش محاطاً بعشرات المغاربة !! طالما لم يلتقي المنتخبين ، إذن ستجد حب وتعصب لصالح مصر ، كلهم يشجعون منتخبنا وكأنك في القاهرة ، ومع انتهاء المباراة ، اقبل الجميع يهنئونني ويقبلونني ، وكأني أنا مسجل الهدف !!بس بصراحة كنت فخور ومنتشي ولو سألوني أنت مصري هأقول انا مصري وأبويا مصري ، ومشربتش من نيلها ، وجربت انيلها
يا عيني على الخوازيق
في مرجان هايبرماكت قسم كامل للخمور وأخر للخنزير
مدرسة مشتركة
والنتيجة
صالون في ممر البرنس بساحة جامع الفنا
قبل البطولة ___________بعد البطولة
قبل البطولة ، المنتخب هايفضل في قلوبنا ، بعد البطولة ، يسخروا منهم بعرض مسرحي ، قال إيه قالولنا رايحيين نجيبوا
بدون تعليق
اللافتة المناسبة في المكان المناسب
اهانة المقدسات
لفت نظري خبر وفاة مسن "95 سنة" في السجن متهم بإهانة المقدسات ، وتحت العنوان صورة لرجل كبير ذو لحية بيضاء و وجه منير وتبدوا عليه علامات الصلاح ، استغربت بشدة كيف لمثل هذا الوجه ان يتجرا على الذات الإلهية أو الدين أو هل كيف تجرأ وادعى النبوة ، وقرأت الخبر بالتفصيل ، حتى عرفت أن الراجل كان راكب في أتوبيس من مدينة لمدينة و في لحظة غضب فضفض عن نفسه شوية وسب الملك ، وكما جاء في الاتهام ، إهانة المقدسات وسب .....ذات الملك ، واهانة موظف عمومي .
مواكبة التكنولوجيا شيء ضروري
دا عندهم مجلس نوم زيينا
ليس الغريب في اسم المقهى
الغريب ان ترجمته بالفرنساوي لا تعني انه مقهى
وهنا ملف مصور خاص 
عن: المأكولات المغربية
وهنا ملف مصور خاص
عن : الإنتقالات في المغرب
روجعت هذه المقالة وتم تمحيص هذه الصور قبل نشرها ، وصدرت الموافقة بالسماح بالنشر من قبل هيئة الرقابة الادارية والصحفية في بيتنا
ماحوظة : أضغط على الصور لتظهر لك بالحجم العائلي
Feb 6, 2008
مدد يا سيدي العريانمدااااااد
شيء من بعيد ناداني. وأول ما ناداني جرالي ما جارالي
ولانهم بيقولوا ان المحيط الاطلسي مائه طاهر ومبارك ومليان حريم ، قلت اشد الرحال إلى سيدي الاطلسي ناخد بخاطر منتخب الليوث لخروجهم لثالث مرة على التوالي من الدور الاول في بطولة افريقيا وبالمرة ناخد إجازة ،
ولنا عودة بعد اسبوعين مع حكاوي الرحلات
والمغرب بعيون مصرية
...نلقاكم بعد الفاصل
Jan 9, 2008
وأنا وماليتحديث...صور جديدة ....
رغم برودة الجو غير المسبوق على منطقة الخليج ، ولكن الواجب الوطني يحتم علينا اننا نروح لهم ، الروح القتالية ومبادئنا النضالية تدفعنالنكون من ورائهم ، ومع إصرار العيال ، رحنا لاستقبال و حضور تدريب منتخب مصر في ستاد سلطان بن زايد بالعاصمة ابو ظبي، مع حشد غفير من المصريين المتعطشين لهذه اللمة المصرية وهذا الجو ،
طلب الأولاد أننا ننتظر الأتوبيس على بوابة الاستاد ، ليسلموا على اللاعبين واحد واحد يدا بيد، مش عارفين ان فيه عشرات واقفين مستنين ، وان مافيش وقت غير إننا يا دوب نشوفهم .
طلب الأولاد أننا ننتظر الأتوبيس على بوابة الاستاد ، ليسلموا على اللاعبين واحد واحد يدا بيد، مش عارفين ان فيه عشرات واقفين مستنين ، وان مافيش وقت غير إننا يا دوب نشوفهم .
اثناء إنتظارنا مر شاب من أمام أحمد ، وداعبه
قائلا : إيه يا أمور..واقف مستني المنتخب... ،
ابتسم احمد في خجل ، وقال موافقا : أيوة،
وبعدما مر الشاب ، التفت أحمد ليا، وقال بصوت هامس : ...اومال واقف مستني واحد صاحبي .
عمر : هو فلافيو فين ؟؟ ماجاش معاهم ليه ؟
أنا : فلافيو مش في المنتخب يا عمر
عمر : يا خسارة ..طيب حسن شحاتة ليه مااخدهوش في تشكيلة المنتخب ... دا لاعيب كويس قوي
أنا: ...... !! يا عمر ، فلافيو ماينفعش يلعب في المنتخب، فلافيو انجولي... فهمت. ؟ ا
عمر.. : أه فهمت... يعني ها يلعب احتياطي . !؟ ا
.قائلا : إيه يا أمور..واقف مستني المنتخب... ،
ابتسم احمد في خجل ، وقال موافقا : أيوة،
وبعدما مر الشاب ، التفت أحمد ليا، وقال بصوت هامس : ...اومال واقف مستني واحد صاحبي .
عمر : هو فلافيو فين ؟؟ ماجاش معاهم ليه ؟
أنا : فلافيو مش في المنتخب يا عمر
عمر : يا خسارة ..طيب حسن شحاتة ليه مااخدهوش في تشكيلة المنتخب ... دا لاعيب كويس قوي
أنا: ...... !! يا عمر ، فلافيو ماينفعش يلعب في المنتخب، فلافيو انجولي... فهمت. ؟ ا
عمر.. : أه فهمت... يعني ها يلعب احتياطي . !؟ ا
احمد : بابا....هوا ايتو مش بيلعب في برشلونه
انا: ايوة
احمد: انا سمعت المعلق امبارح بيقول أن إيتو ها يلعب مع منتخب الكاميرون قدام مصر.... طب إزاي؟ ؟؟
أنا: ......... ـ
عمر : تعرف يا بابا إيه أحسن حاجة عملها حسن شحاتة .!!
أنا : إيه
عمر : انه اشترى محمد زيدان
احمد : بابا! هي مصر هاتلعب مع مين يوم الخميس !
انا : مع مالي
احمد : هي مالي معانا في المجموعة..
أنا : لا يا احمد
أحمد : أومال هاتلاعبنا ليه ؟
انا: .يوووووه
احمد .. مالي مالي....وانا مالي
افتكرت الإعلان الظريف بتاع كوكا كولا... ( هو مش ناوي ينزل أحمد الكاس!!!!....ولا ربيع ياسين!!!!)ا
احمد : بابا! هي مصر هاتلعب مع مين يوم الخميس !
انا : مع مالي
احمد : هي مالي معانا في المجموعة..
أنا : لا يا احمد
أحمد : أومال هاتلاعبنا ليه ؟
انا: .يوووووه
احمد .. مالي مالي....وانا مالي
افتكرت الإعلان الظريف بتاع كوكا كولا... ( هو مش ناوي ينزل أحمد الكاس!!!!....ولا ربيع ياسين!!!!)ا
(واللي مالهومش فيها بيشجعوا منتخب مصر )
كان اول الهابطين من الاتوبيس ، ناس ماعرفهومش... أتبعهم المعلم حسن شحاتة الذي قوبل بهتافات وتحية حارة ، ثم توالى هبوط...بلاش هبوط ... نزول بقية اللاعبين ، ونال ابو تريكة الحب الأكبر الذي وصل لدرجة العناق وتقبيل الراس ولم يترك احد إلا رد على تحيته بابتسامته الدائمة، يأتي الحضري ومتعب في المرتبة الثانية من حفاوة الجماهير ثم زيدان واحمد حسن
لمحت زيدان نازل من الاتوبيس، بحثت عن احمد علشان بيحبه جداً لانه ياما لعب به في البلي استيشن ،مالاقيتهوش ، بالتفت تاني لاقيته مع زيدان بيسلم عليه وبيبوسه
كاميرا اكتب بالرصاص كانت هناك ، ورصدت بعض اللاعبين .. والبعض الاخر فلت من تحت الفلاش، والبعض لم يظهر منه غير قفاه .
الجماهير في استقبال الباص ، شحاتة وشوقي وفتحي نصير
شحاتة وشوقي
شادي وجمعة وفتحي
ابو تريكة ومتعب
الجماهير الوفية سدت عليهم الطريق لغرفة الملابس
دفئ المشاعر في المدرجات ، ودخان السجائر ، والأناشيد الحماسية (المصريين أهمه، وارقص يا حضري، وشي كايو يا شكايو منتخبنا مافيش زيووو ، ) لم تسطتيع أن تخلصني من لسعة البرد لاني كنت لابس قميص خفيف ، مما اضطرني إلى اللجوء اللي بيتنا، بعدما سجل عمرو زكي هدفين ، وزيدان هدف، وأضاع ابو تريكة هدف..
من تعليقات الجماهيرأثناء التمرين
بالذمة دي لاعيبة في منتخب عايز ينافس على البطولة ؟
مين اللي وقع دا... طارق السيد.. مش مهم ..عندنا غيرو
يا معلم ..تعاااالي..يا معلم.. تعااااالي....... (واحد من الجماهير) خلاص ماتجيش
مع عنف عمرو زكي المتكرر وعند تصديه لضربه حرة .. احد الجماهير يقول.. بالراحة على الحيطة يا عمرو..كفاية الواد اللي كسرته
حسن شحاتة جايبهم يلعبو في البرد علشان يتعودوا على الجو في غانا
إيه يا جمعة ...حتي في التمرين بتعترض على قرارات الحكم
.**
أضغط على الصور لتراها بالحجم غير الطبيعي
____________
تحديث :
تحديث :
لقطات من المبارة
أحمد وانا مالي
وانا مالي وانا مالي وانا ..بالاحزان أنا مالي
بحبك وحشتيني
Dec 16, 2007
الأورطاسالفرق كبير بين الأدب الساخر وبين النكتة ، فهو من أصعب أنواع الأدب ، كالفرق بين شاليهات مارينا وعشش الترجمان ، فإن لم يكن للكاتب الساخر قضية مهموم بها ورسالة يريد لها أن تصل ، فإنه يصبح مهرجاً
الكاتب الساخر يجعل القارئ يبكي من فرط الضحك وفي الوقت نفسه يضحك من فرط الألم .
الكاتب الساخر كما قال إبراهيم المعلم " هو كالنحلة تلسع وتطير قبل أن يشعر الإنسان بما حدث" ، كما إن الكاتب الساخر يبذل مجهود أكبر من الكاتب الرومانسي أو السياسي ، لذلك يستهلك بنات أفكاره أكثر من أي كاتب أخر، وهي الكتابة الرومانسية إيه غير شوية أهات وليل وسكون وبحر كبير مجنون ، وبيت مسكون وشطآن وألم وفراق وهجران !! ،
وليس بالضرورة أن يكون الكاتب الساخر ذو دم خفيف ، بالعكس ممكن أن يكون من أثقل أهل الارض ظلاً ، أو ماعندهوش دم خالص .. والدليل.... قلة الكتاب الساخرين .
السخرية على مر التاريخ كانت وسيلة للتعرية ، تعرية الزيف والأخطاء ، تعرية الفساد ،تعرية للذات ، كما إنها أحيانا تكون تعرية من نوع أخر عندما ترتبط بفوازير دينا وريكو وسعد الصغير .
ولان حياتنا مليانة مآسي ومصايب، فا بدلا من أن نجعل المصايب تضحك علينا... نضحك إحنا عليها
واليوم ...نستقبل أحدث ، وأول جريدة ألكترونية ساخرة على الانترنت منذ عهد محمد علي باشا
(القرطاس )
Nov 14, 2007
رسالة إلى ...سيدي الفاضل /
تحية طيبة وبعد
أهدي إليك أطيب التحيات ، وأرق الأمنيات بدوام الصحة والعافية ، وأود أن أوصل لك نبض قطاع كبير إن لم يكن كل الجماهير المحبة لهذا الوطن ،
نستحلفك بالله أن تترك مكانك لمن هو اصلح منك له ، فانت يا سيدي خلال مدة توليك هذه المسئولية لم تقدم شيئا يجعلك ويجعلنا نتمسك بك .
· الحسنة الوحيدة التي قدمتها لهذا البلد ، مازلنا نتغنى بها إلى الأن ، ولا تمر شاردة ولا واردة إلا ونذكرها ونترنم بها، فأنت قائد الطلعة العنترية وجالب النصر والفرحة لكل المصريين ، على الرغم أنك لم تكن الوحيد يوم تحقيق هذا النصر ، إنما صنعنا هذا النصر والانجاز الكبير بكثير من السواعد السمراء وانت كنت فقط واحد من هذه المجموعة الباسلة .
· أعرف أنه من الصعب عليك التنازل عن الوضع اللي أنت فيه ، وعن الرواتب والحوافز و البلاوي المتلتلة ، فأنت طوال تاريخك الطويل لم تستطيع أن تجمع مثل هذه المبالغ من وظيفتك الأولى قبل تولي المسئولية ، ولا كنت تحلم بها (اللهم حسد).
· حاولت وتحاول بكل جهدك أن تجد لابنك مكانا بيننا رغم عدم قبوله جماهيريا ، ورغم قلة خبرته وصغر سنه ، وفشله في كل مكان ، إلا أنك تحاول بكل ما تملك علشان تضعه في مواقع أتخاذ القرار .
· أوهمتنا أنه في عدم وجودك سوف تعود السيطرة الاجنبية على مقدرات هذا البلد ، وانك موجود لانك أبن من ابناء هذا الوطن واهوه جحا أولى بلحم طوره ، حتى صار عند العامة قناعة ان االلي نعرفه احسن من اللي ما نعرفهوش ..وانت أفضل من الغريب برضه .
· استحلفك بكل غالي ورخيص ، فانت المعلم ، وانت القائد ، ماتعملش زي القرعة اللي بتتباهي بشعر بنت أختها ، لقد تقدمت علينا في عهدك الميمون وسبقتنا دولا كانت تلحقنا في الترتيب ، وأصبحنا بفضل خططك في ذيل الأمم .
· سيدي الفاضل ، إحنا داخلين على منعطف خطير ، والمنطقة كلها لبش ، وقد تكالبت علينا الامم ، ونحن واثقين أنك لن تفعل شيئاً يحفظ لنا ماء الوجه ، أرجوك أن تعطي العيش لخبازه ، ارجوك ان تترك الركب ، خلينا نحسن وضعنا قدام العالم بعد أن فقدنا هيبتنا من المغرب لحد اليابان .
· وأخيراَ ، أبوس إيدك بلاش تروح الاستاد تاني ..خلي اللعيبة يشوفوا شغلهم.قصدي لعبهم ..لان النتيجة في وجودك معروفة للعيان بتشديد الياء .
وتفضلوا بقبول وافر الاحترام والتقدير
يصل ويسلم باليد إلى
المعلم / حسن شحاتة
المدير الفني للمنتخب
القومي المصري لكرة القدم
.
.
Sep 25, 2007
هدية رمضان
Aug 30, 2007
أيام الزمن الجميلأكتشفت خلال هذه الأيام أنه قد مر عشرون عاما ً على مرحلة الثانوية العامة ، ورغم كل هذه السنين ، اكتشفت أن هناك أحداث ومواقف كثيرة مازالت عالقة في ذهني ، واعتقد بعد مرور هذه المدة، من الصعب أن تنمحي ، لانها ذكريات الزمن الجميل .
في النصف الأول من الثمانينات كانت معظم المدارس الثانوية تدار عسكريا (أُلغي هذا النظام ونحن في الصف الثالث ) ، يكون هناك ضابط كبير من الجيش برتبة عميد منتفخ الجسم يحشر نفسه في سيارته السيات ، يعاونه ( في الإدارة وليس في الحشر ) ملازم أول من الضباط الاحتياط وسيم ممشوق خطوة عسكرية ، لا يبتسم أبدا يتصنع القسوة والحزم ، حتى انني كنت اتعجب كيف يتعامل مع مراته ، وأولاده ؟ ولكني ظبطه مرة يبتسم بل ويضحك مع بعض الطلبة .
الواد وأبوه
موسى عطا الله ناظر المدرسة ، غليظ أو يداري ضعفه في غلظته ، يخطب الجمعة في مسجد قرب بيته ، سريع الحركة مكتنز الجسم ، دائما يمشي بخطوات سريعة محتمياً بعصايته التي لا تقل عنه غلظه ، ومع هذا كله ..كنت أحبه ماعرفش ليه .
في النصف الأول من الثمانينات كانت معظم المدارس الثانوية تدار عسكريا (أُلغي هذا النظام ونحن في الصف الثالث ) ، يكون هناك ضابط كبير من الجيش برتبة عميد منتفخ الجسم يحشر نفسه في سيارته السيات ، يعاونه ( في الإدارة وليس في الحشر ) ملازم أول من الضباط الاحتياط وسيم ممشوق خطوة عسكرية ، لا يبتسم أبدا يتصنع القسوة والحزم ، حتى انني كنت اتعجب كيف يتعامل مع مراته ، وأولاده ؟ ولكني ظبطه مرة يبتسم بل ويضحك مع بعض الطلبة .
الواد وأبوه
موسى عطا الله ناظر المدرسة ، غليظ أو يداري ضعفه في غلظته ، يخطب الجمعة في مسجد قرب بيته ، سريع الحركة مكتنز الجسم ، دائما يمشي بخطوات سريعة محتمياً بعصايته التي لا تقل عنه غلظه ، ومع هذا كله ..كنت أحبه ماعرفش ليه .
.
أبنه عطا كان طالب معنا في نفس الصف ، وبالطبع كان هو المتنفس الوحيد للطلاب للانتقام من أبيه في صورته ، لذلك كانت شخصيته ضعيفة،مهزوز دراسياً، أقرب إلى المريض النفسي .
.
إذا أمسك الناظر بالميكروفون في طابور الصباح ، يبقا عليه العوض في الحصة الاولى ، وإحدى المرات وقف يوبخ في بعض الطلبة الفاشلين أو مش متذكر كانوا عملوا ايه يمكن مادفعوش المصاريف أو خربوا شيء في المدرسة ، وصفهم بأنهم زبالين ولاد زبالين ، حثالة ، طفلة الحشرة ، عالة على المجتمع ، أهاليهم ماعرفوش يربوهم ، وأنهم مرفودين أسبوع إلى أن يحضروا أولياء أمورهم ، وبدأ يسرد في أساميهم من ورقة في يده ، فلان ابن علان ، ترتان بن خلفان ، زوربيح بن بطيخ، عطا موسى عطا الله ، وضج الطابور بالضحك .
.
.
سيدنا موسى
.
كان دائما بيضرب الطلبة اللي بيلاقيهم خارج الفصول ، حتى أنه في مرة كنت أنا ومجموعة من الطلبة في طريقنا لحجرة النشاط (خارجين من الفصل رسمي يعني) وقابلناه قادماً نحونا ممتطيا عصايته ، لاقيت زمايلي جريوا ، تذكرت موقف الطفل مع سيدنا عمر بن الخطاب ، عندما ظل واقفاً في مكانه وأعجب به سيدنا عمر لما سأله ماجريتش ليه يا حبيبي زي أقرانك ؟، فرد عليه ، انه لم يفعل ما يستحق أن يجري منه ، وقفت... وأقترب مني سيدنا موسى بخطى حثيثة ، و بنظرة حانية كلها أبوة ، سألني .. " خارج من فصلك ليه يا حيواااان " ، ولم ينتظر إجابة ، فقد هوت عصايته على مؤخرتي عدة مرات يمينا وشمالاً قبل ان استفيق من الصدمة ، ... رحم الله عمر بن الخطاب ، وربنا يسامح الواد اللي ماجريش ...مش كان جري أحسن وريحني .
.
لف وأرجع تاني
.
رغم اني كنت طالب منتظم ، إلا أنني أدمنت النط من على السور ، وأصبح من الطقوس اليومية التي لا غنى عنها ، و أصبحت أشعر بنشوة الرويني... قصدي ..بنشوة كبرى في النط من على السور ، ولكن النط بتاعي كان نط عكسي,, يعني من بره لجوه .
.
رغم اني كنت طالب منتظم ، إلا أنني أدمنت النط من على السور ، وأصبح من الطقوس اليومية التي لا غنى عنها ، و أصبحت أشعر بنشوة الرويني... قصدي ..بنشوة كبرى في النط من على السور ، ولكن النط بتاعي كان نط عكسي,, يعني من بره لجوه .
.
كان من يصل متأخراً عن الطابور ، يتم احتجازه خلف البوابة الصدئة تحت حراسة عم عاشور البواب حتى ينتهى الطابور ، ويصعد كل إلى غايته ..(الأطلال ) إلى فصله ، ثم يأتي العميد أو الملازم أو كلاهما ويقوم بحفلة تعذيب مصغرة للطلبة المتأخرين قد تستغرق من عشر إلى ربع ساعة (تعذيب تعذيب يعني مش أي كلام، ونقل أحد الطلبة في مرة إلى العيادة ليتعالج من كسور ) ثم يصعد إلى الفصل ، وهنا وابل أخر من التوبيخ من مدرس الحصة ، لذلك لتحاشي هذه الحفلة كان هناك مكان منخفض في سور المدرسة من الخلف تجد عليه الخبراء في النط والتزويغ . (والحكمة ضالة المؤمن، أينما وجدها فهو أحق بها)
.
والصورة البانورامية تبدوا كالآتي : الطابور يتحرك على قرع الطبول في تناغم رائع والصفوف تتوزع على المباني الأربعة ، و الطلبة المتأخرين قليلي الخبرة قابعين في حفلة التعذيب ، و الطلبة المحترفين عند الجانب الخلفي من المدرسة واقفين طابور على الفتحة في السور ، وكلها منظومة يومية محكمة ، إلى ان جاء يوم ، ونحن في إنتظار دورنا في النط ، وإذا بنا نفاجئ بهرج ومرج لخبط هذه المنظومة وإذا بالنط اصبح عكسي، ....من جوة لبرة وتتعالى الأصوات والصيحات : إجري يالااا... الناظر تحت السور ،وبعد الاستفسار عرفنا أن الناظر أكتشف مكان الفتحة وهرع إليها على رأس قوة و وقف تحت الفتحة في كمين إنتظاراً للقادمين من أعلى ، ولك ان تتخيل منظر الطلبة اللي نطوا عليه ، أو سقطت شنطتهم فوق رأسه (لأنه من البروتوكول ان الناط يحدف شنطته اولاً ثم يقفز هو)، فمنهم من أسرع بالنط مرة أخرى للخارج و منهم من انقفش عليه رحمة الله.
.
والصورة البانورامية تبدوا كالآتي : الطابور يتحرك على قرع الطبول في تناغم رائع والصفوف تتوزع على المباني الأربعة ، و الطلبة المتأخرين قليلي الخبرة قابعين في حفلة التعذيب ، و الطلبة المحترفين عند الجانب الخلفي من المدرسة واقفين طابور على الفتحة في السور ، وكلها منظومة يومية محكمة ، إلى ان جاء يوم ، ونحن في إنتظار دورنا في النط ، وإذا بنا نفاجئ بهرج ومرج لخبط هذه المنظومة وإذا بالنط اصبح عكسي، ....من جوة لبرة وتتعالى الأصوات والصيحات : إجري يالااا... الناظر تحت السور ،وبعد الاستفسار عرفنا أن الناظر أكتشف مكان الفتحة وهرع إليها على رأس قوة و وقف تحت الفتحة في كمين إنتظاراً للقادمين من أعلى ، ولك ان تتخيل منظر الطلبة اللي نطوا عليه ، أو سقطت شنطتهم فوق رأسه (لأنه من البروتوكول ان الناط يحدف شنطته اولاً ثم يقفز هو)، فمنهم من أسرع بالنط مرة أخرى للخارج و منهم من انقفش عليه رحمة الله.
.
تكريم عبد الكريم
.
كان الناظر لا يهتم بشيء أكثر من النظام ، والانتظام في الحضور .. وكان يقدر الطلبة المنتظمين، و في يوم من النصف الثاني من العام الدراسي وفي الحصة الثانية،جاء على رأس لفيف من الإداريين والمدرسين إلى فصلنا العامر..وبدأ في إعطاء محاضرة عن اهمية النظام والحضور ، و بدأ يكيل الشكر إلى الطالب أيمن عبد الكريم ، اللي ما غبش ولا ويوم من اول السنة ، وأنه طالب مواظب ويستحق التقدير لانه عارف مصلحته ، مش زي الطلبة الفاشلة اللي بتغيب عمال على بطال، وانه يستحق تكريم الإدارة له لأنه فعلاً قدوة حسنة لنا نحن البهائم ، ... فين أيمن عبد الكريم ...؟
.
كان الناظر لا يهتم بشيء أكثر من النظام ، والانتظام في الحضور .. وكان يقدر الطلبة المنتظمين، و في يوم من النصف الثاني من العام الدراسي وفي الحصة الثانية،جاء على رأس لفيف من الإداريين والمدرسين إلى فصلنا العامر..وبدأ في إعطاء محاضرة عن اهمية النظام والحضور ، و بدأ يكيل الشكر إلى الطالب أيمن عبد الكريم ، اللي ما غبش ولا ويوم من اول السنة ، وأنه طالب مواظب ويستحق التقدير لانه عارف مصلحته ، مش زي الطلبة الفاشلة اللي بتغيب عمال على بطال، وانه يستحق تكريم الإدارة له لأنه فعلاً قدوة حسنة لنا نحن البهائم ، ... فين أيمن عبد الكريم ...؟
.
الفصل كله في نفس واحد : غايب النهاردة يا استاذ .
.
قم للمعلم وفه التنكيلا
.
ورد إلي مدرستنا مدرس فيزياء جديد منتقل حديثا من الفيوم ، وبدأ أول حصة يعرفنا على نفسه ويعطينا محاضرة في ان المدرس لازم يكون مؤدب مع الطلبة ، ولازم يعاملهم كأولاده ، ولازم العلاقة المحترمة بين الطالب والأستاذ ، ولا بأس من الشدة في أوقات معينة ، وكيف أنه كان موقف مدرسته اللي في الفيوم على رجل واحدة ، وكله بالاحترام،
.
ويقطع هذه المحاضرة القيمة صوت ياتينا من الطرقة (في الفصل عادة يكون هناك شباك بطول الفصل يطل على الطرقة ، بالعربي الكوريدور) وأصوات متداخلة ، أنا هأطلع مــ.... أمك ، يا خــ.... ، يا أبن الــو..... ، يا مـ.....يا أبن المـ.... ، وحياة أهلك ما هأسيبك ، قدامي على الناظر ..ويقترب الصوت ، ويسكت المدرس ، ويقترب من الشباك في خطوات حذرة غير مصدق أن ممكن مدرس يتلفظ بهذه الألفاظ في مدرسة ، ويقترب الصوت أكثر حتى يظهر في الكادر من خلال الشباك ، مدرس ممسكا بقفا طالب مجرجرا إياه تجاه غرفة الناظر ، والطالب يكيل له الشتائم والسباب ، يعني كل هذا الكم كان موجه للمعلم من الطالب ، وعند هذه النقطة ، يسقط صباع الطباشير من يده ، ويرجع خطوتين للخلف يكاد يلتصق بالسبورة، ويسود صمت ، وينظر إلينا كنظرة العذراء التي وقعت في كمين من الذئاب البشرية وكان ناقص يمسك البلوزة بتاعته ويقول لنا أستروا عليا إلهي يستر عليكم ، أو كالقطة التي أدخلوها في قفص للأسود ، أو كنظرة الموظف الجديد بعدما يرن التليفون " فهمي يا فهمي ..رد عليا يا فهمي ، تقلان كدا ليه ".
.
ويقطع هذه المحاضرة القيمة صوت ياتينا من الطرقة (في الفصل عادة يكون هناك شباك بطول الفصل يطل على الطرقة ، بالعربي الكوريدور) وأصوات متداخلة ، أنا هأطلع مــ.... أمك ، يا خــ.... ، يا أبن الــو..... ، يا مـ.....يا أبن المـ.... ، وحياة أهلك ما هأسيبك ، قدامي على الناظر ..ويقترب الصوت ، ويسكت المدرس ، ويقترب من الشباك في خطوات حذرة غير مصدق أن ممكن مدرس يتلفظ بهذه الألفاظ في مدرسة ، ويقترب الصوت أكثر حتى يظهر في الكادر من خلال الشباك ، مدرس ممسكا بقفا طالب مجرجرا إياه تجاه غرفة الناظر ، والطالب يكيل له الشتائم والسباب ، يعني كل هذا الكم كان موجه للمعلم من الطالب ، وعند هذه النقطة ، يسقط صباع الطباشير من يده ، ويرجع خطوتين للخلف يكاد يلتصق بالسبورة، ويسود صمت ، وينظر إلينا كنظرة العذراء التي وقعت في كمين من الذئاب البشرية وكان ناقص يمسك البلوزة بتاعته ويقول لنا أستروا عليا إلهي يستر عليكم ، أو كالقطة التي أدخلوها في قفص للأسود ، أو كنظرة الموظف الجديد بعدما يرن التليفون " فهمي يا فهمي ..رد عليا يا فهمي ، تقلان كدا ليه ".
.
جدو طه
.
أستاذ طه قليل الجسم كبير السن أبيض الوجه ترك الزمن أثاره على ظهره في صورة أنحناءه بسيطة ، يرتدي بدلة سوداء لم يبدلها طوال الثلاث سنوات التي قضيناها في المدرسة ، وأكيد التلاتين سنة اللي قضاها هو فيها ، يتحرك و يتكلم باسلوب بطييييئ جداً ،يبدوا عليه انه من الطبقة الأرستقراطية لذلك كان بيعاملنا دائماً بقرف شديد.
.
يتكلم وهو يشاور بيده إلى الأعلى في حركة تمزج بين الشرح وبين رفع كم الجاكيت، وكنا نقابله يوميا في الطريق يمسك بيد حفيده موصلا إياه لمدرسته قبل ان يأتي إلى مدرستنا، وكانت مفاجأة هزت المدرسة عندما علمنا أن هذا الولد هو أبنه وليس حفيده ،
.
كان جدو طه ( كما كان يحلو لنا ان نسميه ) يتكلم بكاريزما معينة ببطئ ومن كلماته - وهو يشاور رافعاً كم الجاكيت- ( لازم تحس بالكلمة....نفس عميق وسكوت ، لازم تسمع الانجليزي بوجدانك.. استراحة وتنهيدة ، الجاموسة، استراحة قصيرة ، لما تسمعها موسيقي ، تأمل واستراحة ، تحس ، فهمتوا يا بهايم .؟
.
شاااطر يا تامر ، ، ، ، مش زي الحمااار اللي جنبك (اعز أصدقائي)
.
شاااطر يا تامر ، ، ، ، مش زي الحمااار اللي جنبك (اعز أصدقائي)
.
وفي السنة اللي بعدها ، يبدوا مع عامل السن لم يعد جدو طه يفرق بيني و بين الحمار اللي جنبي، وكانت كل الشتائم من نصيبي أنا ..!!
.
السح الدح أمبو
.
لم ننسى ذلك المدرس الشاب الذي اعتقدنا انه طالب جديد ، جاء ليدرسنا اللغة العربية بطريقة مختلفة عما عاهدناها ، فقد كان محمد إبراهيم مرزوق خريج جديد من مدارس المعلمين نظام الخمس سنوات ، وفي يوم أختار إحدى القصائد ليستخرج منها الصور الجمالية، واللمحات الفنية ، وقصيدة النهاردة يا ولاد..هي السح الدح امبو
السح الدح امبو ..... لقد بدأ الشاعر قصيدته بكلمات مبهمة حتى يجذب إنتباه السامع
إدي الواد لابوه .... أسلوب أمر بلهجة حادة مش فاكر الهدف منه ايه
يا عيني الواد بيعيط ...... أسلوب استعطافي ...بعد ما لاقى انه مافيش فايدة
شيل الواد من الأرض... مش عارف ايه....
.
ومن الاستعارات المكنية جملة " ياااه ..اما أنا شفت النهاردة حتة صاروخ أو أباجورة...كناية عن المزة"
.
استاذ ابراهيم كان دايما لازق في مكتب شئون الطلبة عند أبلة دلال بيرسم على جواز بقا الله أعلم ،
.
ومن الاستعارات المكنية جملة " ياااه ..اما أنا شفت النهاردة حتة صاروخ أو أباجورة...كناية عن المزة"
.
استاذ ابراهيم كان دايما لازق في مكتب شئون الطلبة عند أبلة دلال بيرسم على جواز بقا الله أعلم ،
ودلوقت .....ياترى انت فين يا مرزوووووق
.
شرارة
.
في فترة غريبة لم تدم أكثر من شهر أو شهرين ، ورد إلينا مدرس جديد غريب الاطوار أسمه حنفي ، أسم غريب كشخصيته ، فهو في العشرينات أو أوائل الثلاثينات ، نصف أصلع ، يرتدي نظارة غليظة نطلق عليها "قعر الكوباية" جاحظ العينين ، هيئته دائما تدل على انه ماعندهوش وقت ينظر في مرأة ،يحمل شنطة جلد رخيصة مثل محضر المحكمة، شخص بكل ما في الكلمة من معنى "غريب "، يصلح لأن يكون لحام أكسجين ..أو بالكثير منجد إفرنجي مش مدرس إنجليزي .
.
طريقة نطقه للإنجليزي كانت غريبة جداً، وكان دائم الشكوى من النحس الملازم له ، أو الحسد اللي دايما جايبه ورا ،ولولا الحسد كان زمانه بقا قنصل في الخارجية مش حتة مدرس ثانوي، وكان يطيل الحديث عن حياته الشخصية ، وعن علاقته الحميمة مع خطيبته " وإحنا غلابة يا بيه" كنا دايما نحسده " يابن المحظوظة " ، وكمان خاطب ..
.
شخصية غريبة كهذه لابد وأن تكون نهايتها غريبة أيضاً ..
.
بعد انقطاعه عن المدرسة لفترة ، عرفنا أنه أثناء سيره في الشارع سقطت عليه بلكونه هو وخطيبته... أكيد فيه حد حسده .....! عليك رحمة الله يا استاذ حنفي .
.
أعتذر عن الإطالة فالموضوع لا يتحمل الإختصار ، وكل شخوص وأسماء هذه المقطتفات حقيقية ، واتمنى أن أجد من القراء من يعرف شيئاً عنهم ، لأعرف إلى اين وصل بهم الزمان ، مع خالص تحياتي وإحترامي لهم .
.
وكل عام وانتم بخير مناسبة حلول أول الشهر .
.
أعتذر عن الإطالة فالموضوع لا يتحمل الإختصار ، وكل شخوص وأسماء هذه المقطتفات حقيقية ، واتمنى أن أجد من القراء من يعرف شيئاً عنهم ، لأعرف إلى اين وصل بهم الزمان ، مع خالص تحياتي وإحترامي لهم .
.
وكل عام وانتم بخير مناسبة حلول أول الشهر .
Aug 23, 2007
تلغرافبعيدا ً عن السياسة ، احب ابعت برقيات وتلكسات سريعة (قديمة حكاية التلكسات دي، متهيألي اتلغت من زمان ) نبعت SMS لاشخاص بصراحة الكلمة واقفة في زوري ولازم توصلهم:
ممدوح أسماعيل (مالك عبارة الموت) في لندن:
حبينا بس نطمن على صحتك... مش ناقصك حاجة في الغربة ... مش عايز دي في دي ؟
--------------------------------------------
روبي :
أيام ماكنتي بتغني بقاعدتك كان ليكي من الجمهور قاعدة عريضة ، ودلوقت لما شاذيتي عن القاعدة و استغنيتي عن استخدام القاعدة ..أديكي قاعدة في البيت .
--------------------------------------------
عصام الحضري :
بعد ماتش الهلال ، وبعد اتجاهك للتمثيل ، انت مرشح للقيام بدور البطولة في الثلاثية .
--------------------------------------------
رباعي خط ظهر الاهلي (عماد، وائل، شادي،احمد) :
بروروم ؟ شغلتك على المدفع بروروووووروم !!!؟
--------------------------------------------
إيناس الدغيدي :
ما أسخم من سيدي إلا ستي .. وما اوحش من ميت غمر إلا زفتى
إيناس ... أنت مرشحة للدخول لموسوعة (جنس للأفلام).
--------------------------------------------
عبير صبري :
بعد إعلانك عن خلعك للحجاب .. أحب أسالك ..هو إللي أنت كنت عاملاه في نفسك دا كان حجاب ؟
--------------------------------------------
هالة سرحان :
مع قرب اعلان عودتك على قناة LBC اللبنانية و بعد الـ (هالة ) التي كانت حولك ، هذا أكبر دليل على أن الجمهور العربي ...جمهور مازال في مرحلة الـ (سرحان)
--------------------------------------------
أساتذة كلية الطب :
في حاجة في كلية الطب أسمها تدليك البروتوستاتا بعصاية المقشة .؟
في حاجة في كلية الطب أسمها تدليك البروتوستاتا بعصاية المقشة .؟
الله .. هو حضرتك الظابط اللي عمل العملية ؟..اللمبي
--------------------------------------------
أوبرا وينفري :
أبوس إيديكي يا شيخة أنت مابتديش دروس خصوصية .؟. لان هناك مذيعين ومذيعات كتير مابيسمعوش عنك حاجة ، ونفسهم يتعلموا فن التقديم من غير لوكلوك لوكلوك لوكلوك
--------------------------------------------
ميلودي ملل :
من كثرة إعلانات تحدي الملل ....بصراحة الواحد جاله ملل
--------------------------------------------
عبلة كامل :
لو في ست في مثل عمرك ولابسه الحجاب ووقفت في الشارع تعمل الحركات اللي بتعمليها ..مالهاش غير كلمة واحدة تتقال لها..... يا هبلة
--------------------------------------------
الراس الكبيرة :
كبر دماغك يا راجل ... وكفاية بقا لحد كدا ...حرام
_______________
في أهرام يوم الجمعة نشر هذا الخبر
استدعاء القائم بالأعمال الكويتي بالقاهرةاحتجاجا علي تعذيب مواطنين مصريين
استدعت وزارة الخارجية القائم بأعمال سفارة الكويت بالقاهرة ـ حيث نقلت له السفيرة وفاء بسيم مساعد وزير الخارجية لشئون مكتب الوزير ـ احتجاج مصر الشديد علي واقعة تعرض المواطنين المصريين للتعذيب في دولة الكويت في أثناء التحقيقات التي كانت تجري معهم ومخالفة ذلك للنظم والأعراف والقوانين, كما نقلت إليه طلب مصر بسرعة انهاء التحقيقات التي أمر بها النائب العام الكويتي وموافاتها بالنتائج التي سوف تسفر عنها.
استدعت وزارة الخارجية القائم بأعمال سفارة الكويت بالقاهرة ـ حيث نقلت له السفيرة وفاء بسيم مساعد وزير الخارجية لشئون مكتب الوزير ـ احتجاج مصر الشديد علي واقعة تعرض المواطنين المصريين للتعذيب في دولة الكويت في أثناء التحقيقات التي كانت تجري معهم ومخالفة ذلك للنظم والأعراف والقوانين, كما نقلت إليه طلب مصر بسرعة انهاء التحقيقات التي أمر بها النائب العام الكويتي وموافاتها بالنتائج التي سوف تسفر عنها.
ورغم بشاعة الخبر والمأسأة التي تحتويه ، إلا انه يحتوى على جرعة من الكوميديا غير طبيعية.. ولذلك أبعث هذا التلغراف .
إلى من يهمه الامر:
.
أطالب بأستدعاء القائم بالاعمال المصري في جمهورية مصر احتجاجا على تعذيب المصريين في مصر
Aug 3, 2007
أول يومأخيراً....هأسمع الكلمة اللي كان نفسي أسمعها من زمااان ، أخيرا هأسمع كلمة بابا ، وأخيرا، بقيت أب ......
أيه دا.....!! طيب ما انا أب من زماان ،
طب ما نا طول عمري وانا أب
من ساعة ما اتخرجت من الجامعة وفتحت عيني على الدنيا، وانا أب ،
أيه الجديد بقا ،
ومن زمان سمعت الكلمة دي كتير ،
إنما المرة دي غير
زيادة الخير..خيرين.......لا...سيرين
سيرين لفظ أرمني معناه ، الهدوء والسكينة
.
سيرين في اللغة الانجليزية Cerenty الهادئ والساكن برقة
سيرين هي قرية فلسطينية في مدينة بيسان
سيرين هي أخت السيدة / مارية القبطية أم المؤمنين ، وتزوجها سيدنا حسان بن ثابت شاعر الرسول
سيرين أكتب بالرصاص ، هو الأسم الثلاثي ، وأول يوم لها في دنيتنا هذه ، الجمعة 20 رجب 3 أغسطس الثامنة بتوقيت جرينيتش
.
Aug 1, 2007
تهييساتأنا لحد دلوقت مش عارف إزاي في سنة من السنين أنتص فيها كل الرجالة في نظرهم واختاروا أمينة شلباية لتصبح ملكة متوجة على عرش الجمال في مصر ، فا بالأصالة عن نفسي وبالنيابة عن كل الفتيات المصريات الحرات ، أدعوا إلى انتفاضة لسحب اللقب منها والاعتذار لشعب مصر الجميل، لأن بصراحة مش قادر أرفع عيني أمام القلل المتحدة وهم بيعايروني وبيقولوا " دي ملكة جمال مصر!! " هو في ملكة جمال في الدنيا يكون أسمها أمينة .... وشلباية كمان!!!
__________________________________________
بعد اللي حصل لأصغر أم مصرية... هند... بقيت أخاف على أبني الكبير ينزل الشارع لوحده ، مين عارف ..الواحد مش ناقص فضايح ، الواد ممكن يأخد فيها إعدام.
أثناء متابعتي للحلقة ، كادت ان تغلبني دموعي، وكانت الفرة هاتدمع ..قصدي الدمعة هاتفر من عيني ، وتحمست لاكتب موضوع عن هذه المأسأة ، إلى أن أفقت وفي نفس الحلقة على أبوها بيطلب مكان يسكن فيه هو وبنته ، ومصدر دخل ثابت ..وأفتكرت النكتة بتاعة كوهين ينعي ولده ...ويصلح ساعات .
يا تري بعد الإشتغالة اللي هند واهلها أشتغلوها للرأي العام ... وتحليل الـ DND أثبت ان الواد مابيعرفش .. هل ستطالب السيدة الأولى هند أنها ترجع الألف جنيه والشقة اللي أخدوها غصم وأقتدار!
__________________________________________
لساني إدلدل وإحنا عمالين نقول لهم من الصبح.. إبعد عن حيحا...إبعد عن حيحا....وبعدين في الاخر..مش مصدقين إن الأهلي.. بيطوح ...
أه يا أهلي يا ويكا.....أكلت الدوري والكاس وحليت ببنفيكا، .
__________________________________________
أنا مش عارف إيه اللون المنيل إللي أنا مختاره ليكون خلفية للمدونة؟ دا... إيه العك دا.!؟
__________________________________________
في قضية الممرضات البلغاريات والطبيب الفلسطيني ، شوفنا فرنسا وبلغاريا والاتحاد الاوروبي كله قالب الدنيا على البنات دول يطالب بالإفراج عنهم ، ولم نسمع صوت عربي واحد بياخد بخاطر ليبيا ويقول لها..إحنا وراكي ،أثبت يا أخ يا قائد ،
وما لاقيناش ح